Bílakjallari við meðferðarkjarna nýja Landspítalans -Verkís, Batteríið og T.ark hópurinn með lægsta tilboðið,47% af kostnaðaráætlun
Tilboð hafa verið opnuð hjá Ríkiskaupum í útboði nr. 21329 í fullnaðarhönnun á bílakjallara, sem verður byggður vegna meðferðarkjarna nýs Landspítala. Kostnaðaráætlun verksins er 166.961.700 kr. (án vsk), en tilboð bárust frá eftirtöldum hópum, sem þessi fyrirtæki leiða:
| Verkís | 78.750.000 | 47,17% |
| Efla | 93.443.000 | 55,97% |
| Ferill Verkfræðistofa | 93.730.000 | 56,14% |
| Kanon Arkitektar | 93.800.000 | 56,18% |
| Mannvit | 94.150.000 | 56,39% |
| ASK arkitektar ehf | 95.900.000 | 57,44% |
| Yrki arkitektar | 97.230.000 | 58,23% |
| VSB verkfræðistofa ehf. | 111.300.000 | 66,66% |
| Corpus3 ehf. | 112.000.000 | 67,08% |
Bílakjallarinn er hugsaður eingöngu sem þjónustustæði fyrir ökutæki sjúklinga, aðstandendur og gesti spítalans. Um er að ræða 200 bílastæði og má líkja honum við bílakjallarann í Hörpunni sem er á tveimur hæðum. Gengið verður beint inn í sjúkrahúsið úr bílakjallaranum í sjálfvirka stiga, lyftur eða göngustiga. Einnig verður byggt á svæðinu 550 stæða bílastæðahús
.