Heimsókn frá myndgreiningaþjónustu Landspítala

Þann 20.nóvember komu góðir gestir í heimsókn frá Landspítala. Að þessu sinni voru það starfsmenn myndgreiningaþjónustu spítalans.

Heimsóknin hófst með kynningu Bjargar Guðjónsdóttur sem fór yfir áætlun um lækningatæki og tæknikerfi í nýjan spítala.

Í lokin var það Jens Hjaltalín Sverrisson, verkefnastjóri hjá NLSH, sem sýndi gestum framkvæmdasvæðið og var m.a. gengið um meðferðarkjarnann.

Heimsóknin vel heppnuð og margar fyrirspurnir enda munu starfsmenn myndgreiningarþjónustunnar starfa í nýjum húsakynnum Landspítala.

„Ég vil koma á framfæri þakklæti okkar á myndgreiningarþjónustu eftir heimsóknina til NLSH. Þetta var fræðandi, áhugavert og gaman og sérlega skemmtilegt að sjá hvað er í gangi hinum megin við grænu girðinguna,“ segir Maríanna Garðarsdóttir forstöðumaður myndgreiningarþjónustu Landspítala.

Breyting verður á formi heimsókna starfsmanna Landspítala frá og með næstu mánaðamótum með aukinni þátttöku spítalans í kynningum en NLSH mun sem áður bera ábyrgð á skoðunarferðum.