Uppsteypun á lagnagangi meðfram kvennadeild LSH

Vinna við uppsteypu á kvennadeildargangi á lóð Landspítala er í fullum gangi.

Unnið er við að fylla af bæði gang við Barnaspítala og kvennadeild eftir því sem steypuvinnu og frágangi lýkur.

Vegna þessarar framkvæmdar er einstefna á akstri frá bílastæðum neðan gamla spítala upp að kringlu og kvennadeild.

Það er ekki hægt að aka niður frá kringlu að bílastæðum neðan gamla spítala meðan á þessum framkvæmdum stendur.

Áætlað er að framkvæmdum á þessu svæði ljúki um miðjan júní.

Framkvæmdir við suðurenda kvennadeildar eru enn í gangi og er suðurinngangur kvennadeildar lokaður meðan á þeim stendur.