Horft til framtíðar við hönnun sjúkrahússins

Fréttastofa RÚV birti viðtal þann 10. júní við Ásbjörn Jónsson, sviðstjóra framkvæmdasviðs NLSH, þar sem fjallað var um stöðuna í steypuvinnu við Meðferðarkjarnann. Mikið verk er framundan, margra mánaða verktími, áður en veggir hússins rísa upp fyrir vinnugirðingar svæðisins. Ásbjörn sagði að horft væri til framtíðar við hönnun hússins þannig að ef breytingar verða á framkvæmdatíma er hægt að aðlaga bygginguna að tækninýjungum. Því eru ekki neinir steyptir innveggir ofan við kjallarann.