Fréttasafn: 2006

Á þessu ári hafa sjúklingafélögin, Félag MND - sjúklinga; Heilaheill; LAUF - Landssamtök áhugafólks um flogaveiki; MG - félag Íslands; MS - félag Íslands og Parkinsonsamtökin, [Vinnuheitið SAMTAUG] haft með sér samráð og knúið dyra hjá yfirstjórn Landspítala - háskólasjúkrahúss (LSH).

"Það er ljóst að í landi með 300 þúsund íbúa er eðlilegt að það sé eitt sérgreinasjúkrahús sem sér um þjónustuna sem þarf að sinna," sagði heilbrigðisráðherra í blaðaviðtali nú í byrjun september. Sameining stóru sjúkrahúsanna í Reykjavík á síðasta áratug byggðist m.a. á þessari sömu afstöðu þáverandi ráðherra.

Nokkurt fjaðrafok hefur verið í fjölmiðlum undanfarið vegna ályktana nýlegs aðalfundar Læknafélags Íslands.

Athyglisverðar upplýsingar komu fram í frétt á forsíðu Morgunblaðsins í gær, um að við hönnun nýs hátæknisjúkrahúss við Hringbraut væri gert ráð fyrir sérstöku göngudeildahúsi, þar sem búast mætti við að deildir yrðu einkareknar.

Tilefni þessara skrifa eru ályktanir sem fulltrúar á aðalfundi Læknafélags Íslands, sem haldinn var á Egilsstöðum helgina 2.-3. september, samþykktu og sendu til fjölmiðla.

Sá er þetta ritar hefir oft velt því fyrir sér hvað orðið hátækni stendur fyrir. Einu sinni fór hann með síma í viðgerð í fyrirtæki með þessu nafni. Hann spurði afgreiðslumanninn, hvar venjuleg tækni endaði og hátæknin byrjaði. Ekki gat maðurinn svarað þessu, en sagðist halda að fyrirtækið hafi verið látið heita þetta til að vörurnar gengju betur út.

Nýlega hefur komið fram gagnrýni á fyrirhugaða byggingu háskólasjúkrahúss (Landspítala Háskólasjúkrahúss – LSH) við Hringbraut.  Ýmis rök hafa verið talin til eins og að það sé mun betra að koma sjúkrahúsi fyrir í Fossvogi, betra sé að dreifa sjúkrahúsum um bæinn frekar en að sameina þau, það sé rangt að reisa sjúkrahús í miðbænum eða að tenging við Háskóla Íslands (HÍ) skipti engu máli.  Við erum ósammála öllum þessum atriðum og fögnum heilshugar fyrirhugaðri byggingu háskólasjúkrahúss við Hringbraut, í nánd við Háskóla Íslands.

Með stuttu millibili hafa birst tvær greinar í Morgunblaðinu sem fjalla um þá aðstöðu sem sjúklingum og starfsfólki er búin á Landspítala - háskólasjúkrahúsi (LSH). Önnur ber yfirskriftina Viltu vinna á LSH og er eftir Kristján Guðmundsson lækni og hin er Orðskrípið hátæknisjúkrahús sem Hjalti Már Bjarnason læknir skrifar. Í báðum tilfellum er um að ræða orð sem eru í tíma töluð. Mig langar aðeins að halda áfram á sömu braut.

Rekstur Landspítala (LSH) var í jafnvægi á árinu 2005 og rekstrarkostnaður á föstu verðlagi hefur staðið í stað í sex ár. En starfsfólkið stynur undan vinnuálagi og ógleðinni sem fylgir dvínandi hollustu við spítalann. Er sameining spítalanna, sem átti að auka fjárhagslega hagkvæmni að ganga of nærri starfsemi sjúkrahússins og þar með þjónustunni við sjúklinga? Er þetta dæmi um að aðgerðin sé að takast, en sjúklingurinn að deyja?

Umfang bráðaþjónustu LSH 
Árlega leita um 100.000 manns á bráðamóttökur Landspítala - háskólasjúkrahúss (LSH).  Bráðaþjónusta sjúkrahússins er í dag veitt á fimm stöðum, þ.e. á barnaspítala, kvennasviði, geðsviði og bráðamóttöku við Hringbraut, auk  slysa- og bráðadeildar í Fossvogi.  Í nýjum spítala við Hringbraut er gert ráð fyrir einni sameiginlegri bráðadeild sem mun leiða til mikils hagræðis fyrir starfsemina.  Gera má ráð fyrir því að við opnun hinnar nýju deildar hafi árlegum komum fjölgað í 125.000, um 340 manns daglega eða 14 manns á hverjum klukkutíma.  Það verður nóg að gera á nýrri bráðadeild!  Þetta aukna umfang starfseminnar má að stórum hluta rekja til breytingar á aldursamsetningu þjóðarinnar.  Fjölmennar kynslóðir eftirstríðsáranna eru að eldast og auknum aldri fylgja langvinnir sjúkdómar sem setur miklar kröfur á bráðastarfsemi sjúkrahúsa. 

Það hefur komið starfsfólki Landspítala - háskólasjúkrahúss á óvart undanfarnar vikur, að neikvæð umræða um nýja byggingu fyrir spítalann skuli hafa skotið upp kollinum og jafnvel freistað nokkurra stjórnmálamanna til að gæla við þá hugmynd að fresta eða endurskoða þær ákvarðanir, sem teknar hafa verið eftir mikla og vandaða undirbúningsvinnu.