Fréttasafn: 2014

Bjarni Benediktsson fjármálaráðherra segir framkvæmdir við byggingu nýs Landspítala hefjast á þessu kjörtímabili.  Hann segir jafnframt að húsakostur Landspítala sé orðinn úreltur og svari ekki kröfum nútímans.

Afgerandi meirihluti þjóðarinnar vill að ríkið ráðist fremur í byggingu nýs Landsspítala en að sett verði í forgang að greiða niður skuldir ríkissjóðs.  Þetta eru niðurstöður könnunar sem Stöð 2 og Fréttablaðið gerðu. 63% aðspurðra sögðust frekar vilja byggja nýjan spítala en 37% vildu frekar greiða niður skuldir ríkissjóðs.

Fréttina má sjá hér. 

Fram kemur í máli fjármálaráðherra að hann sé ekki hlynntur þeirri leið að fjármagna nýjan Landspítala með einkaframkvæmd.

Bjarni segir: „„Almennt ef að einkaaðilar eru að taka lán til þess að fara í framkvæmdir og ætla síðan að byggja tekjumódel sitt á því að ríkið borgi leigu þá hefur það þótt koma verr út fyrir ríkið. Það hefur verið almenna reglan vegna þess að ríkið hefur almennt betri möguleika á hagstæðum kjörum á lánamörkuðum,“

Fréttina má sjá hér.

Þingsályktunartillaga hefur verið samþykkt að byggð verði við núverandi húsnæði Landspítala. Áætlaður kostnaður við uppbyggingu Landspítala er um 60 milljarðar.

Kristján Þór Júlíusson heilbrigðisráðherra segir: „. Stóra atriðið við þetta er að mínu mati að það ríkir almennur skilningur og sátt um það að það þurfi að bæta húsakost þjóðarsjúkrahússins.“

Páll Matthíasson, forstjóri Landspítalans segir að húsnæði Landspítalans í Fossvogi verði áfram notað. Bráðamóttaka og gjörgæsla verði öll á einum stað, við Hringbraut.

Fréttina má sjá hér. 

Á ársfundi Landspítalans sem haldinn var í dag fjallaði Kristján Þór Júlíusson meðal annars um fjármögnun nýja Landsspítalans. Hann segir að vand­inn við bygg­ingu nýs Land­spít­ala snúi ekki að fjár­mögn­un fram­kvæmd­ar­inn­ar. Hægt sé að ganga frá láns­fjár­mögn­un nýja spít­al­ans á nokkr­um dög­um.

„Vand­inn snýr að því að rík­is­sjóður í nú­ver­andi stöðu hef­ur því miður ekki bol­magn til að standa und­ir fjár­magns­kostnaði og greiða til baka það fé sem hann hef­ur fengið að láni,“ sagði Kristján.

Spítalinn okkar, hollvinasamtök um byggingu nýs Landspítala, héldu stofnfund í dag og var fjölmennt á fundinum.

Samtökin telja að ef ekki verði gerðar nauðsynlegar úrbætur á húsnæði spítalans muni skapast alvarlegt ástand á næstu árum hvað varðar húsnæði, starfsfólk og tæknibúnað spítalans. Bent er á að Íslendingum eldri en sextíu ára muni fjölga um 3 prósent á ári að minnsta kosti til ársins 2050 samkvæmt spá Hagstofunnar. Sá aldurshópur vegi langþyngst í verkefnum spítalans og að á næstu 15 árum fjölgi um 50 prósent í þessum hópi, úr 60 þúsund í 90 þúsund manns.

Fréttina má sjá hér.

Stefán Veturliðason,verkefnisstjóri nýs Landspítala, segir að nú sé verið að hanna sjúkrahótel sem verður fyrsta framkvæmdin vegna nýs Landspítala. Verkinu eigi að ljúka í vor og framkvæmdir gætu þá hafist um mitt næsta ár.

Um fyrirhugaðar framkvæmdir segir Stefán: „Ef við ætlum að fara í meðferðarkjarnann þá á hönnun að hefjast á næsta ári, ef það koma peningar í það, og við reiknum með að framkvæmdir geti hafist árið 2017, og verkinu mundi þá ljúka árið 2021“ . Framkvæmdir við sjúkrahótel gætu hins vegar hafist um mitt næsta ár.

Fréttina má sjá hér